Politics

ECOWAS yizihije isabukuru y’imyaka 50

Umuryango w’Ubukungu w’Ibihugu byo muri Afurika y’Iburengerazuba (ECOWAS) wizihije isabukuru y’imyaka 50 ku mugaragaro i Lagos, iyobowe muri iki gihe na Perezida wa Nigeria Bola Ahmed Tinubu. Ibikorwa by’ibi birori byibanze ku gusigasira amahoro, iterambere rirambye no gukomeza ubufatanye mu karere.

Inama nyunguranabitekerezo ku byavuye mu bushakashatsi ku mi bereho y’ingo ku rwego rw’intara.

Kuri tariki ya 26 Gicurasi 2025, mu Karere ka Bugesera hateraniye inama nyunguranabitekerezo ku byavuye mu bushakashatsi ku mibereho y’ingo n’ibipimo by’ubukene mu Rwanda (EICV7). Inama yateguwe ku bufatanye n’Ikigo cy’Igihugu gishinzwe Ibarurishamibare, iyobowe na Guverineri Pudence Rubingisa na Kayitesi Claudette, yitabiriwe n’abayobozi b’uturere, inzego z’umutekano, amadini, PSF, urubyiruko n’abafite ubumuga.

U Rwanda Rushobora Kwandika Amateka Mashya Nirwakira Amashami Amwe ya Loni.

U Rwanda rwagaragaje ubushake bwo kwakira amashami amwe y’Umuryango w’Abibumbye (Loni), bigatanga umusanzu mu gukemura ibibazo by’isi by’ubukungu, iterambere n’umutekano. Minisitiri w’Intebe, Dr. Edouard Ngirente, yandikiye Umunyamabanga Mukuru wa Loni ashimangira ko u Rwanda rwiteguye gutanga ibyangombwa by’ibanze n’inyubako zikenewe. Kigali, umujyi utekanye kandi ugezweho, ushobora gutanga ibikorwaremezo byiza ku bakozi ba Loni.

Abanyafurika nibo bafite igisubizo ku bibazo by’umutekano wabo -Perezida Paul KAGAME

Nyakubahwa Perezida Paul Kagame yatangije ku wa 19 Gicurasi 2025 inama mpuzamahanga y’umutekano muri Afurika, International Security Conference on Africa (ISCA), i Kigali. Perezida Kagame yashimangiye ko umutekano w’Afurika ugomba gukemurwa n’abayituye, aho abayobozi bafite inshingano zo kubaka imiyoborere ituma abaturage babaho batekanye kandi uburenganzira bwabo bubahirizwa. Umuyobozi w’Inama Ngishwanama ya ISCA, Moussa Faki Mahamat, yashimiye Kigali ku kuba ahantu heza ho gutangiriraho imbaraga nshya mu guhanga ibisubizo by’umutekano muri Afurika. Inama izamara iminsi ibiri, igamije gusuzuma ibyo bagezeho no gushaka ibisubizo ku bibazo by’umutekano bigihari.

Perezida Ibrahim Traoré yafashe umwanzuro watunguye benshi muri Burukina Faso ndetse no hanze

Perezida wa Burkina Faso, Ibrahim Traoré, yakuyeho burundu amafaranga y’ishuri mu gihugu hose, atuma uburezi kuva ku mashuri abanza kugeza muri kaminuza buba ubuntu 100%. Ubu buryo bugamije gukuraho inzitizi zishingiye ku bushobozi buke, gutanga amahirwe angana ku rubyiruko, no gutanga ibitabo by’ishuri ku buntu. Iki cyemezo cyakiriwe neza mu gihugu no ku rwego mpuzamahanga, kandi gisiga ubutumwa ko uburezi ari uburenganzira, si impano.

Ubufaransa bwahagaritse iperereza ku ruhare rwa Agathe Kanziga Habyarimana muri Jenoside

Ku wa 16 Gicurasi 2025, ubutabera bw’u Bufaransa bwahagaritse burundu iperereza kuri Agathe Kanziga Habyarimana ryari rimaze imyaka irenga 15.

Umuhanda Kigali-Muhanga wakuwe mu ngengo y’Imari ya 2025-2026

“Usome ku mazi ashyushye biraza gushira” Ambasaderi Nduhungirehe

Ambasaderi Nduhungirehe yasubije Depite w’Umubiligi ku mbuga nkoranyambaga, ashimangira ibyishimo by’ababiligi bari mu Rwanda ku irushanwa ry’isi ry’amagare i Kigali.

Trump yavuze ko ababaye ariko atarahagarika imikoranire na Putin

Perezida wa Amerika, Donald Trump, yavuze ko nubwo atishimiye imyitwarire ya Perezida w’u Burusiya, Vladimir Putin, adashaka guhagarika burundu ibiganiro cyangwa imikoranire ashobora kugira na we mu gihe kizaza. Trump asobanura ko politiki mpuzamahanga isaba gukomeza ibiganiro n’abo udahuza, cyane cyane iyo bishobora kugira inyungu ku gihugu.

Paul Kagame Umukandida wa PRF Inkotanyi

Paul Kagame, umukandida wa FPR Inkotanyi, yatangirije ibikorwa byo kwiyamamaza i Busogo mu Karere ka Musanze, abwira abaturage bo mu Turere twa Musanze, Gakenke, Gicumbi, Rulindo na Nyabihu ko amatora ari umwanya wo kuzana impinduka nziza mu Rwanda.

Ambassador Olivier NDUHUNGIREHE yagizwe minisitiri w’ububanyi n’amahanga.

Ambasaderi Olivier Nduhungirehe yagizwe Minisitiri w’Ububanyi n’Amahanga n’Ubutwererane, asimbura Dr Vincent Biruta wagizwe Minisitiri w’Umutekano. Yari asanzwe ahagarariye u Rwanda mu Buholandi kuva mu 2020, aho yakoze neza inshingano zo guhagararira igihugu no gufasha Abanyarwanda bahatuye. Perezida Paul Kagame yamugiriye icyizere cyo kuyobora Minisiteri y’Ububanyi n’Amahanga, naho we abinyujije ku rubuga X yashimiye Perezida ku bw’icyizere yagiriwe cyo gukomeza gukorera u Rwanda.

Umwe mu bahataniye umwanya w’Umukuru w’Igihugu avuga ihigo rikomeye azageza ku Banyarwanda

Umukandida wigenga ku mwanya wa Perezida wa Repubulika, Fred Sekikubo uzwi nka Barafinda, yatangaje imwe mu mihigo ye nyuma yo gutanga kandidatire muri Komisiyo y’Igihugu y’Amatora. Yavuze ko azashyira ibiro bya Perezidansi mu ntara zose n’Umujyi wa Kigali kugira ngo abaturage babone serivisi badaciye i Kigali.