International

Isirayeli yagabye ibitero bya gisirikare muri Irani

Ku ya 13 Kamena 2025, Isirayeli yagabye igitero gikomeye ku nganda za nikleyeri n’ibigo bya gisirikare muri Iran, gisiga Tehran yangiritse, aho bamwe mu bayobozi bakuru b’ingabo n’abahanga mu bya nikleyeri bapfuye. Igitero cyagambiriwe guhagarika gahunda ya Iran yo gukora intwaro za nikleyeri, bitera impungenge ku mutekano w’akarere.

Indege ya Air India yajyaga i London yahanutse i Ahmedabad

Ku wa 12 Kamena 2025, indege ya Air India yari itwaye abantu 242 yakoze impanuka hafi y’ikibuga cy’indege cya Ahmedabad mu Buhinde, igatera umuriro n’umwotsi mwinshi.

Elon Musk yicuza amagambo mabi yavuze kuri Donald Trump

Elon Musk yasabye imbabazi Perezida Donald Trump nyuma yo gutanga amagambo akaze yamunenze, avuga ko yari yararenze urugero. Ibi byakurikiwe n’amahoro mu itumanaho ryabo, bigatanga icyizere cyo kugabanya amakimbirane no kugira ingaruka nziza ku ishoramari n’ubukungu.

Umubare w’abarwaye COVID-19 Mu Buhinde urenze 5,000

Mu Buhinde, abanduye COVID-19 bageze ku 5,235, benshi bari mu kato mu ngo zabo, cyane cyane muri Kerala, Delhi na West Bengal. Nubwo imibare izamuka, abenshi bafite ibimenyetso bidakomeye, kandi leta irakomeje gukurikirana icyorezo.

Perezida Trump na Elon Musk mu ntambara y’amagambo ku mugaragaro

Umubano hagati ya Donald Trump na Elon Musk wacitse nyuma y’uko Musk anenze umushinga w’itegeko rya Trump “One Big Beautiful Bill”, awita urupfu ku bukungu no ku bikorwa bya Leta.

Abanya-Koreya y’Epfo batangiye gutora Perezida mushya mu matora Yihutirwa

Abaturage ba Koreya y’Epfo batangiye gutora mu matora yihutirwa yo guhitamo Perezida mushya nyuma y’amezi atandatu y’ibibazo bya politiki. Lee Jae-myung wo mu ishyaka rya Demokarasi afite amahirwe menshi yo gutsinda, ahanganye na Kim Moon-soo wa People Power Party. Ibisubizo by’amatora biteganyijwe mu ijoro cyangwa mu gitondo gikurikira.

Elon Musk yasezeye mu buyobozi bwa Donald Trump

Elon Musk yatangaje ko asoje igihe yari amaranye inshingano zo kuyobora ishami rya Leta rya DOGE mu buyobozi bwa Perezida Donald Trump.

Joseph Kabila yaganiriye n’abahagarariye amadini

Joseph Kabila, wahoze ari Perezida wa Repubulika Iharanira Demokarasi ya Congo (2001–2019), yasuye Goma ku itariki ya 26 Gicurasi 2025, aho yagiranye ibiganiro n’abahagarariye amadini n’ihuriro AFC/M23 mu rwego rwo gutanga umusanzu ku kugarura umutekano mu Burasirazuba bwa RDC.

Ambasaderi w’Ubudage muri Uganda arashinjwa uruhare mu gushaka guhirika ubutegetsi

Igisirikare cya Uganda (UPDF) cyahagaritse ubufatanye bwacyo n’ingabo z’Ubudage, gishinja Ambasaderi w’Ubudage muri Uganda, Mathias Schauer, gukorana n’imitwe igamije guhungabanya umutekano w’igihugu. UPDF ivuga ko iperereza ry’ubutasi ryagaragaje ko yaba atanga inkunga ku mitwe y’inyeshyamba, cyane cyane mu gihe Uganda yitegura amatora ya 2026. Ubudage ntiburagira icyo butangaza kuri ibi birego.

Joseph KABILA KABANGE yamaze kugera I Goma

Uwahoze ari Perezida wa RDC, Joseph Kabila Kabange, yamaze kugera mu mujyi wa Goma ugenzurwa n’ihuriro AFC/M23. Aya makuru yemejwe n’abavugizi ba AFC/M23, bavuze ko yageze mu bice bavuga ko byabohowe, banamwifuriza ikaze mu burasirazuba bwa Congo.

Twitege iki ku ruzinduko rw’umwami Charles III muri Canada?

Umwami Charles III azagirira Canada uruzinduko rw’iminsi ibiri aho azageza ijambo ku Nteko Ishinga Amategeko, aherekejwe n’Umwamikazi Camilla. Uru ruzinduko rufite igisobanuro gikomeye kubera amagambo ya Donald Trump yifuza ko Canada yaba leta ya 51 ya Amerika, igitekerezo cyamaganwe n’abaturage ba Canada n’ubuyobozi bwa Minisitiri w’Intebe Mark Carney, wavuze ko Canada itazigera yemera ibyo gushotorwa.

Gen.M Kainerugaba yagaye indeshyo ya Ambasaderi woherejwe muri Uganda

Gen. Muhoozi Kainerugaba yatangaje ko atumva impamvu Ubudage bwohereje Ambasaderi mugufi muri Uganda, nyamara buvugwa nk’igihugu gifite abaturage barebare. Ibi yabivuze mu butumwa kuri X, agaragaza ko byamutangaje kubona Umudage mugufi ahagararira igihugu cye muri Uganda, mu mvugo yateje impaka ku mbuga nkoranyambaga.

AFC/M23 yateye utwatsi ibinyoma by’umukozi wa MONUSCO na Leta ya Kinshasa

AFC/M23 yanyomoje amagambo ya Teohna Williams wa MONUSCO wavuze ko umutekano wa Goma warushijeho kuba mubi nyuma yo kubohorwa.

Perezida Samia Suluhu Hassan wa Tanzania yabitswe Ari muzima n’abari binjiriye konti ya Polisi ya X

Konti ya Polisi ya Tanzania (Tanpol) yinjiriwe n’abataramenyekana bagatangaza ibihuha ko Perezida Samia Suluhu Hassan yapfuye.

9 baguye mu gitero cya Drones

Mu karere ka Sumy mu majyaruguru y’uburasirazuba bwa Ukraine, abantu 9 bishwe abandi 4 barakomereka mu gitero cy’indege zidafite abapilote (drone) ku bisi y’abagenzi hafi ya Bilopillia. Iki gitero cyabaye nyuma y’amasaha make ibiganiro by’amahoro hagati ya Ukraine na Uburusiya byatangiriye i Istanbul bidashoboye kugera ku ntego. Uburusiya ntacyo bwatangaje ku gitero.

Ubudage bwiteguye kongera ingengo y’imari ya gisirikare nyuma y’igitutu cya Donald Trump

Ubudage bwatangaje ko bwiteguye kongera ingengo y’imari y’igisirikare kugera kuri 5% bya GDP, mu rwego rwo gukurikiza icyifuzo cya Donald Trump cyo kuzamura amafaranga y’ibihugu bya NATO mu gisirikare. Icyo gitekerezo cyakunze gutavugwaho rumwe mu Bayobozi b’Ubudage, bamwe bavuga ko bizatwara miliyari 200 z’amayero buri mwaka, mu gihe abandi basanga ari ngombwa kugira ngo Ubudage bwubake igisirikare gikomeye mu Burayi.

Ese Trump ashobora guhabwa indege “Air Force One” nk’impano?

USA: Impano Qatar yahaye Trump yateje impagarara

Donald Trump yakiriye impano y’indege ya Boeing 747-8 ifite agaciro ka $400 miliyoni yoherejwe n’umuryango w’ubwami wa Qatar, izakoreshwa by’agateganyo nka Air Force One mbere yo kujya muri Trump Presidential Library. Iyi mpano yateje impaka mu banyapolitiki n’abasesenguzi b’amategeko kuko bashidikanya ko ishobora kurenga ku Itegeko Nshinga (Foreign Emoluments Clause) no kugira ingaruka ku bwigenge bw’igihugu. Kongere irimo gusuzuma niba hakenewe iperereza ku byerekeye iyi mpano.

Utazimenyekanisha ku bushake azahura n’isanganya rikomeye ry’ibihano mu buryo bwose

Perezida Donald Trump yashyizeho gahunda yo kohereza abimukira binjiye muri USA mu buryo butemewe kugaragaza ko bagomba gusubira mu bihugu byabo.

Imirimo yo muri Amerika yiyongera kurenza uko byari byitezwe

Mu kwezi kwa Mata, abakoresha muri Amerika bongeyeho imirimo 177.000, n’ubwo ubushomeri bwagumye kuri 4.2%. Ibi byerekana ko isoko ry’umurimo rikomeje gukora neza, n’ubwo hari imvururu mu bucuruzi kubera imisoro mishya ku bicuruzwa byinjira mu gihugu byatangajwe na Trump. Inzobere zivuga ko izo mpinduka z’imisoro zizafata igihe kugira ngo zigaragaze ingaruka ku bukungu.