Kigali, 25 Kanama 2026 abaturutse mu bihugu bisaga 73 bahuriye i Kigali muri Africa Mindset Reset Forum 2026, iri kubera muri Kigali Convention Centre kuva ku wa 25 kugeza ku wa 26 Kanama 2026.
Iyi nama yateguwe na African School of Governance (ASG) igamije guteza imbere imyumvire mishya y’Abanyafurika, ishingiye ku kwigira, gufata inshingano no gushyira hamwe ubushobozi bw’umugabane mu kwihutisha iterambere.
Muri iyi nama, ibiganiro bitangwa biribanda ku nsanganyamatsiko igira iti “From Pan-Africanism to Meta-Africanism”, hibandwa ku buryo Afurika yava ku bitekerezo n’ibyifuzo ikagera ku bikorwa bifatika, inzego zikora neza, ubuyobozi bufite icyerekezo ndetse n’iterambere rirambye.
Urubyiruko rwiganje mubitabiriye iyi nama, n’abayobozi bakizamuka, mu rwego rwo kurushishikariza kugira uruhare mu kubaka Afurika y’ejo hazaza no kugira imyumvire iberekeza kwiterambere rirambye ryumugabane wa africa.
