Mu mukino wafunguye irushanwa, Mexique yatsinze Afurika y’Epfo ibitego 2-0, ihita yegukana amanota atatu ya mbere mu Itsinda A. Julian Quinones yanditse amateka atsinda igitego cya mbere cy’Igikombe cy’Isi cya 2026 ku munota wa cyenda, mbere y’uko Raul Jimenez atsinda icya kabiri mu gice cya kabiri. Uyu mukino waranzwe n’amateka atandukanye arimo Gilberto Mora wabaye umukinnyi muto wa Mexique ukinnye Igikombe cy’Isi afite imyaka 17 n’iminsi 240, ndetse unagaragaramo amakarita atatu atukura yahawe Yaya Sithole, Themba Zwane na César Montes.
Julian Quinones watsinze igitego gifungura irushanwi ry'igikombe k'isi cya 2026 yishimira igitego
Themba Zwane yerekwa ikarita y'umutuku
Burna Boy yafatanyije na Shakira kuririmbira abafana
Mu wundi mukino wo muri iri tsinda, Koreya y’Epfo yatsinze Repubulika ya Tchèque ibitego 2-1 nyuma yo gukura inyuma. Hwang In-Beom na Oh Hyeon-Gyu ni bo batsindiye Koreya y’Epfo, mu gihe Ladislav Krejčí yari yafunguye amazamu ku ruhande rwa Tchèque. Uyu mukino wananditse amateka kuko umunya-Misiri Amin Omar yabaye Umunyafurika wa mbere wayoboye umukino w’Igikombe cy’Isi cya 2026. Nyuma y’umunsi wa mbere, Mexique na Koreya y’Epfo ziyoboye Itsinda A zifite amanota atatu kuri buri kipe.
