Ku wa 24 Gicurasi 2026, habaye amateka akomeye muri ruhago y’u Bwongereza aho ikipe ya Arsenal yegukanye igikombe cya shampiyona nyuma yo gusoza umwaka w’imikino wa 2025/26 iri ku mwanya wa mbere.Mu mukino wa nyuma wabereye kuri Selhurst Park, Arsenal yatsinze Crystal Palace ibitego 2-1 maze ihabwa igikombe imbere y’abafana bayo bari buzuye ibyishimo. Ibitego bya Arsenal byatsinzwe na Gabriel Jesus ndetse na Noni Madueke, mu gihe Jean-Philippe Mateta yatsindiye Crystal Palace igitego cy’impozamarira.
Uyu mwaka wabaye uw’amateka ku mutoza Mikel Arteta n’ikipe ye, kuko Arsenal yarangije shampiyona ifite amanota 85 nyuma yo gukina imikino 38, igatsinda 27, ikanganya 7 ndetse igatsindwa imikino 5 gusa.
Ikintu cyatangaje benshi ni uko Arsenal yarangije shampiyona nta penaliti n’imwe itewe mu izamu ryayo kandi nta mukinnyi wayo n’umwe wabonye ikarita itukura. Ibi byerekanye uburyo iyi kipe yakinnye ifite discipline, ubwenge n’ubuhanga buhanitse.
Nyuma y’umukino, abafana ba Arsenal bagaragaje ibyishimo byinshi baririmba indirimbo zo kwishimira intsinzi ndetse bashimira Arteta wabagaruriye icyizere n’icyubahiro muri Premier League.
