DRC: Inzara iri gutuma abarwayi ba Ebola batoroka ibitaro muri DRC

Ishami ry’Umuryango w’Abibumbye ryita ku Biribwa (WFP) ryatangaje ko ikibazo cy’inzara kiri mu mpamvu nyamukuru zituma abarwayi ba Ebola batoroka ibitaro, amavuriro n’ibigo by’akato muri Repubulika Iharanira Demokarasi ya Congo. Inzego z’ubuzima muri iki gihugu zivuga ko abantu barenga 150 bamaze gutoroka aho bavurirwaga kubera kubura amafunguro ahagije, harimo 11 batorotse ibitaro bya Bambu mu Ntara ya Ituri, ari na ho icyorezo cya Ebola yo mu bwoko bwa Bundibugyo cyibasiye cyane.