Imirimo yo kubaka ikiraro cya Mwogo, gihuza uturere twa Nyamagabe, Nyanza na Ruhango igeze ku kigero cya 68% ishyirwa mu bikorwa. Biteganyijwe ko iyi mirimo izarangira mu ntangiriro za 2027.

Iki kiraro nikimara kubakwa, kizaba gifite uburebure bwa metero 60 n’ubugari bwa metero 11; kizaba kandi gifite ubushobozi bwo kwikorera uburemere bugera kuri toni 60.



Ikiraro cya Mwogo cyizoroshya ubuhahirane n’imigenderanire hagati y’abaturage bo mu bice by’utu turere gihuza, cyoroshye urujya n’uruza rw’abantu n’ibicuruzwa, ndetse no kugera ku masoko, amashuri, serivisi z’ubuzima n’izindi serivisi z’ibanze.

Abahinzi nabo bazoroherezwa kugeza umusaruro wabo ku masoko, giteze imbere ubucuruzi n’ubukungu bw’icyaro muri rusange.