Mbappé yigaragaje mu buryo budasanzwe Real Madrid itsinda Borussia Dortmund 3-2

Nubwo yari akiri mu bitaro kubera gastroenteritis yamutwaye ibiro 5, Kylian Mbappé ntiyigeze atenguha abafana ba Real Madrid. Mu mukino wahuje Real Madrid na Borussia Dortmund, yatsinze igitego cy’intsinzi mu minota y’inyongera, akoresheje sideways scissor kick cyateje ibyishimo mu bafana. Mbappé ataragarura imbaraga 100%, yiteguye umukino wa 1/2 cy’irangiza uzaba ku wa Gatatu, aho ashobora guhura n’ikipe yo mu gihugu cye yigeze gufasha kwegukana igikombe cy’Isi, ari ubwa mbere azahura nayo nka mukinnyi wa Real Madrid.

Chelsea na Aston Villa Bahaniwe Kurenga ku Mategeko y’Imari ya UEFA

Amakipe ya Chelsea na Aston Villa yahanwe na UEFA kubera kurenga ku mategeko agenga imikoreshereze y’amafaranga (financial fair play). Aya makipe ashobora kutemererwa kwandika abakinnyi bashya mu marushanwa ya UEFA 2025-2026, keretse habayeho inyungu zisobanutse mu kugura no kugurisha abakinnyi mbere y’uko isoko rifungwa. Chelsea yaciwe miliyoni 31 z’amayero (ishobora kwiyongera ku miliyoni 60 mu gihe cy’imyaka ine) Aston Villa yahanishijwe miliyoni 11 z’amayero (ishobora kongerwa ku miliyoni 15 mu gihe cy’imyaka itatu) Ibi bihano bijyanye n’uko amafaranga yishyurwa abakinnyi n’abatoza arenze 80% by’umusaruro w’amakipe. Chelsea izitabira Champions League, naho Aston Villa Europa League umwaka utaha.

Rayon sports yamaze gusinyisha babiri

Mohamed Chelly (41) wo hagati ukina no ku ruhande, ukomoka muri Tunisia, wavuye muri Oceano Club de Kerkennah (icyiciro cya 2 muri Tunisia). Yazanywe n’umutoza Afhamia Lotfi kandi azaba anafasha nka mutoza wungirije. Yasinye amasezerano y’umwaka umwe, akazajya ahembwa miliyoni 1 Rwfr. Drissa Kouyaté (27), umunyezamu ukomoka muri Mali, wagize uburambe muri Stade Malien, FC Nouadhibou, ASKO Kara, na AC Léopards. Rayon Sports yamuguze kugira ngo afashe ikipe kwitwara neza mu marushanwa ya CAF, nyuma yo kugaragaza intege nke mu mikino ya CAF Champions League 2024.

Amateka n’ishingwa rya APR FC

APR FC, kipe y’ubukombe mu Rwanda, imaze imyaka 32 ishinzwe kandi yatwaye ibikombe 23 bya shampiyona. Yashinzwe mu 1993 ku gitekerezo cya Perezida Paul Kagame, ishingiye ku mikino y’amakipe ya gisirikare yari isanzwe ibaho mu 1992. Umukino wa mbere wa APR FC wabaye ku Mulindi bahuye n’Abakombozi ba PSD, kandi icyo gihe ni bwo volleyball na basketball byashinzwe. Yatangiye n’abasivili batatu b’abanyamuryango ba FPR Inkotanyi, batoranyijwe mu bakinnyi 32 ba mbere, ubu abakinnyi basanzwe mu kipe barenga 90.

Thomas Partey yarezwe ibyaha byo gufata ku ngufu abagore batatu mu Bwongereza

Umukino wa gicuti mpuzamahanga uzahuza abakinnyi bakanyujijeho b’ibyamamare kuri Pele Stadium.

Ikipe y’igihugu y’u Rwanda y’abahoze bakinnyi b’ibyamamare Amavubi Legends izakina umukino wa gicuti mpuzamahanga n’ikipe y’igihugu ya Uganda y’abahoze bakinnyi Flair 50 FC. Uyu mukino uzabera kuri Pele Stadium ku wa 21 Kamena 2025 saa 10:00 za mu gitondo. Byatangajwe na FERWAFA, aho Perezida wa FAPA Eric Murangwa Eugene yavuze ko uyu mukino ari ishema kandi uzafasha guteza imbere umubano hagati y’u Rwanda na Uganda. Ku ruhande rw’u Rwanda, hitezwe abakinnyi bazwi nka Haruna Niyonzima, Eric Nshimiyimana na Jimmy Mulisa, mu gihe Uganda izaba ihagarariwe n’abakinnyi barimo Emmanuel Okwi na Sam SSIMBWA. Imikino nk’iyi igamije gushimangira umubano n’ubucuti hagati y’ibihugu byombi.

Bidasubirwaho Florian Witz yamaze kuba umukinnyi wa Liverpool.

Umukinnyi w’Umudage Florian Wirtz w’imyaka 22 yamaze gusinyira ikipe ya Liverpool yo mu Bwongereza, imugura akayabo ka miliyoni 116 z’amayero, akaba abaye umukinnyi uhenze kurusha abandi mu mateka ya Liverpool. Ategerejwe gukina mu kibuga hagati afatanya na Alexis Mac Allister na Gravenberch. Wirtz azajya ahembwa amayero ibihumbi 355 mu cyumweru, bikamugira umukinnyi uhembwa menshi muri Liverpool, asize Mohamed Salah uhembwa ibihumbi 350. Kuva yagera muri Bayer Leverkusen mu 2020, Wirtz yayitsindiye ibitego 57 anatanga imisanzu 64 yavuyemo ibitego mu mikino 196 yakiniye iyi kipe.

Ikipe y’igihugu y’ u Rwanda Amavubi yatsinzwe ibitego 2-0 mu mukino wa gicuti

Mu mukino wa gicuti wabereye i Constantine muri Algeria, ikipe y’igihugu y’u Rwanda Amavubi yatsinzwe na Algeria ibitego 2-0. Amavubi yari yitabaje amasura mashya arimo Enzo wakinnye umukino we wa mbere, Kavita wakinnye mu bwugarizi (nomero 3) na Ngwabije Bryan wakinnye mu kibuga hagati. Umutoza Adel Amrouche yahinduye inshuro eshatu imikinire, ariko amakosa yo mu bwugarizi ni yo yatumye Amavubi atsindwa, cyane ko yagaragayeho uruhare rwa kapiteni Bizimana Djihad n’abandi bakinnyi.

‎U Bubiligi bwemeye kwitabira shampiyona y’isi y’amagare izabera mu Rwanda

Ishyirahamwe ry’umukino w’amagare mu Bubiligi ryemeje ko rizitabira Shampiyona y’Amagare ku Isi 2025, nubwo ryari rifite impungenge ku mutekano wo mu Rwanda zishingiye ku makimbirane ari mu karere. U Rwanda rwatangaje ko rwiteguye neza, rwaramaze gutegura ibikorwa remezo byose birimo n’imihanda izakoreshwa muri iri rushanwa. Perezida wa UCI, David Lappartient, yemeje ko nta gahunda yo kwimura irushanwa ihari, ashimangira ko siporo idakwiye kuvangwa na politiki kandi ko u Rwanda ari igihugu gifite umutekano.

Abafana 10 Bapfiriye mu Kavuyo k’Intsinzi ya RCB i Bengaluru

I Bengaluru, mu Buhinde, ibirori byo kwizihiza intsinzi ya Royal Challengers Bengaluru (RCB) muri IPL 2025 byahindutse ibyago, ubwo habaga akavuyo (stampede) hanze ya Stade M. Chinnaswamy. Abantu barenga 10 bapfuye, abandi benshi barakomereka kubera umubyigano ukabije w’abafana bashakaga kubona abakinnyi. Umujyi wagize akavuyo gakomeye mu mihanda no muri gare ya Namma Metro. Polisi n’inzego zishinzwe ibiza zatangije iperereza, mu gihe leta y’intara iteganya gutanga inkunga y’ihumure no gukaza umutekano mu birori bizaza. Ku rundi ruhande, Minisiteri y’Umutekano mu gihugu cy’Ubuhinde yatangaje ko ibarura rusange ry’abaturage rizakorwa mu byiciro bibiri, aho tariki ya 1 Werurwe 2027 saa sita z’ijoro izaba ari yo tariki y’icyitegererezo. Iri barura rizakorwa hifashishijwe ikoranabuhanga gusa kandi rizakubiyemo amoko y’abantu, hagamijwe kunoza igenamigambi. Iheruka ryabaye mu 2011, iryari riteganyijwe mu 2021 rirasubikwa kubera COVID-19. Itangazo ryemeza iyi gahunda rizasohoka mu Igazeti ya Leta tariki ya 16 Kamena 2025.

Adam Ahmat Mustapha, ukina mu Rwanda yahamagawe mu ikipe y’igihugu ya Tchad

Adam Ahmat Mustapha, umukinnyi wa City Boys ikina mu cyiciro cya kabiri mu Rwanda, yahamagawe mu ikipe y’igihugu ya Tchad iri kwitegura imikino ibiri ya gicuti izayihuza na Kenya. City Boys yasoreje shampiyona ishize ku mwanya wa 8 n’amanota 29, inagera muri ⅛ cy’irangiza cy’Igikombe cy’Amahoro, isezererwa na Gorilla FC. Adam Ahmat Mustapha abaye umukinnyi wa kabiri uhamagawe mu ikipe y’igihugu akina mu cyiciro cya kabiri, nyuma ya Ndahinduka Micheal wahamagawe mu Amavubi mu 2013 ubwo yakiniraga Bugesera FC, ubu ikina mu cyiciro cya mbere.