Raouf Memel Dao niwe wabaye umukinnyi w’irushanwa rya CECAFA KAGAME CUP 2025.
Uyu mukinnyi mushya w’imyaka 21, ukomoka muri Burkinafaso niwe watowe nk’umukinnyi wagize abandi mu irushanwa rya CECAFA KAGAME CUP 2025.
Raouf Memel Dao yagize uruhare rw’ibitego 5 kuko yatsinze ibitego 2 anatanga imipira 3 yavuyemo ibitego mu mikino 5 yakinnye.
Umwaka ushize wa 2024 umukinnyi wa APR FC Niyigena Clement yari yatowe nk’umukinnyi w’irushanwa rya CECAFA KAGAME CUP 2024.
Bibaye inshuro ya kabiri yikurikiranya umukinnyi wa APR FC atwara icyo gihembo n’ubwo ikipe itaba yatwaye igikombe.
APR FC yabaye iya gatatu itsinze KMC igitego 1-0 cyatsinzwe na Raouf Memel Dao.
Dao yarahanganye na Clatous Chota Chama wafashije Singida Black Stars gutwara CECAFA KAGAME CUP 2025, aho yayitsindiye ibitego 2 yatsinze Al hilal Omdurman.
APR FC iragaruka I Kigali aho igiye gukina Rwanda Premier League 2025/26 kandi ikaba izakina na Pyramids taliki ya 1 Ukwakira 2025 muri CAF Champions League.
Dao niwe wabaye umukinnyi w’umukino wabahuje na KMC.